User Profile

Gai potoloari heltzen dio Enekok saiakera honetan. EHaren egungo zatiketa administratiboak dituen ondoriak azaltzen ditu; euskal herritarron arteko harremanak zailduz muga kultural gero eta handiagoa eragiten du. Ipar eta hegoaldeko herritarron arteko harremanak berriz estutzeko hamaika proposamen eginez bukatzen du liburua. Gai potoloa bai baina erraz irakurtzen da eta kontzientziak astintzen ditu. Heldu diezaiogun erronkari!

Agian ez da neure momentua izan liburu honi ekiteko, baina ez nau harrapatu ta azkenean utzi egin dut. Penaz, baina astuna egin zait eta bestelako liburu bati ekingo diot.

Pertsonaia eta bizipen asko lotzen dituen eleberria. Oso lagungarria liburu hasieran "qr" kode bidez kontsultatu daitekeen gida modukoa. Istorioak intrigari eusten dio eta gustura irakurri dut. Askotariko gaiak aipatzen ditu liburuak, egungoak zein historian zeharrekoak. Eugenia pertsonaiaren bidez, esate baterako, gai asko ikutzen ditu: euskaldunon autogorrotoa, emigrazioa, nagusien bakardadea,...

Berehala harrapatzen zaituen eleberria, laburra eta idazkera erraza duena. Nahiko hasieran hilketaren egileak nortzuk diren jakin arren, intrigari eusten dio bukaerara arte benetan gertatutako guztia argitu arte

Naziengandik ihesi zetozen pilotuei laguntzen zien "Comete Sarea"ren inguruko eleberria, 1941ean Pirinioetako mugan kokatua. Eleberriak pasadizo historikoak eta fikzioa jasotzen ditu eta askotariko osagaiak erabiltzen ditu (arriskua, maitasuna, sexu abusuak,...). Goxotasuna, gizatasuna,... trasmititu dizkit hainbat pasartetan. Gustura irakurri dut.

Liburua EHko zientzia fikziozko etorkizunean kokatuta dago. Barre asko egin dut liburuaz eta bukaerak ginda jartzen dio. Guztiz gomendagarria!