188 pages
Basque language
Published Jan. 17, 2022 by Alberdania.
«Hemen ere, artearen eta bizitzaren eremu guztietan bezala, une gorenak, ahaztezinak, oso arraroak dira», idatzi zuen Stefan Zweig austriarrak. Horretaz kontziente, Aritz Galarragak liburu honetan bildu ditu humanitatearen une goren batzuk, alegia, eguneroko bizitza arruntaren gauza txikiak, gorabehera ezdeusak, lehen kolpean atentzio berezirik ematen ez dutenak, aktualitatearen diktaduratik urrundu eta inguruko errealitateari begiratzen diotenak. Ezinbestean agertzen dira hala irakurketak, lagunarteak, kotidianitateak eskaintzen dituen sorpresa atseginak –eta, batzuetan, ez hain atseginak–. Paseoaz, siestaz, ardoaz ari zaizkigu testu batzuk, hilerrietako bisita, edertasun, inskripzioez beste batzuk, Mitteleuropaz, Mediterraneoaz, noski Frantziaz, eta ia-ia pertsonaia balira bezala azaltzen dira Annie Ernaux, Chantal Akerman, Antoine Compagnon edota MZ; eta, besteren gainetik, haiek sortutako obrak. Jatorrian prentsarako zutabe, biziberrituta agertzen dira Humanitatearen une gorenak liburua osatzen duten testuak, edizio lan zorrotz bati esker; modu horretan, pieza solte zirenak, haien arteko elkarrizketan ari zaizkigu hemen, barne korronte sendoez zeharkatuak, osotasunean. Eta azken emaitza, hartara, saiakera literario askotariko bat …
«Hemen ere, artearen eta bizitzaren eremu guztietan bezala, une gorenak, ahaztezinak, oso arraroak dira», idatzi zuen Stefan Zweig austriarrak. Horretaz kontziente, Aritz Galarragak liburu honetan bildu ditu humanitatearen une goren batzuk, alegia, eguneroko bizitza arruntaren gauza txikiak, gorabehera ezdeusak, lehen kolpean atentzio berezirik ematen ez dutenak, aktualitatearen diktaduratik urrundu eta inguruko errealitateari begiratzen diotenak. Ezinbestean agertzen dira hala irakurketak, lagunarteak, kotidianitateak eskaintzen dituen sorpresa atseginak –eta, batzuetan, ez hain atseginak–. Paseoaz, siestaz, ardoaz ari zaizkigu testu batzuk, hilerrietako bisita, edertasun, inskripzioez beste batzuk, Mitteleuropaz, Mediterraneoaz, noski Frantziaz, eta ia-ia pertsonaia balira bezala azaltzen dira Annie Ernaux, Chantal Akerman, Antoine Compagnon edota MZ; eta, besteren gainetik, haiek sortutako obrak. Jatorrian prentsarako zutabe, biziberrituta agertzen dira Humanitatearen une gorenak liburua osatzen duten testuak, edizio lan zorrotz bati esker; modu horretan, pieza solte zirenak, haien arteko elkarrizketan ari zaizkigu hemen, barne korronte sendoez zeharkatuak, osotasunean. Eta azken emaitza, hartara, saiakera literario askotariko bat da, Michel de Montaignek ireki zuen bidetik, idazlearen kezka itxuraz hutsalak, eta era berean erabat unibertsalak, modu pertsonalean ekartzen dituena.
Galarraga zalea naizela aitortzetik abiatu eta bere doinu berezi horrez gozatzeko aitzaki polita da artikulu bilduma hau. Oro har, humanitatearen une gorenak, beherenak eta erditsukoak ere aurkituko dituzue, eta xarmanki erranak gainera.
dazleak dio artikulu bilduma honetako une batean ez duela nahi "intelektualtzat har" dezan inork. Alde horretatik, liburu hau porrot handi bat da ze jakintza eta hausnarketa-indar intelektual zorrotz, umoretsu eta oso kultua erakusten du Aritzek, eta eskertzen zaio.
Ikasteko liburu bat, bibliografiari esker ikasten jarraitzeko aitzakia seguruenik. Eta bibliografia osoa ez irakurtzekotan, ezinezkoa mortal gehienontzat, ba idazlearen iruzkinekin "erdi-irakurritzat" jo dezakegu alferrok geure burua, Aritzek zertzelada zorrotzak ematen baitizkigu hainbat liburu eta egilerenak.
Idazleak dio artikulu bilduma honetako une batean ez duela nahi "intelektualtzat har" dezan inork. Alde horretatik, liburu hau porrot handi bat da ze jakintza eta hausnarketa-indar intelektual zorrotz, umoretsu eta oso kultua erakusten du Aritzek, eta eskertzen zaio.
Ikasteko liburu bat, bibliografiari esker ikasten jarraitzeko aitzakia seguruenik. Eta bibliografia osoa ez irakurtzekotan, ezinezkoa mortal gehienontzat, ba idazlearen iruzkinekin "erdi-irakurritzat" jo dezakegu alferrok geure burua, Aritzek zertzelada zorrotzak ematen baitizkigu hainbat liburu eta egilerenak.
